Fyrirlesarar Markþjálfunardagsins 2020

Gestur starfaði sem tónlistarmaður, strandvörður, fjallaleiðsögumaður og lífvörður áður en hann hóf 15 ára farsælan starfsferil í löggæslu.

Hann var m.a. meðlimur í sérsveit ríkislögreglustjóra auk þess að stýra aðkomu lögreglu að móttökumiðstöð fyrir umsækjendur um alþjóðlega vernd. Sem lögreglumaður leiddi hann ýmis verkefni þvert á deildir, stofnanir og landamæri m.a. fyrir Evrópulögregluna Europol.

Hann hóf feril sinn sem markþjálfi árið 2013 eftir að hafa lokið markþjálfanámi frá Háskólanum í Reykjavík og hefur síðan starfað hjá ráðgjafafyrirtækingu Complete í Bretlandi.

Gestur hefur starfað með ýmsum fyrirtækjum og einstaklingum á Íslandi auk erlendra stórfyrirtækja bæði í Evrópu og Bandaríkjunum. Má þar nefna ISAVIA, Norðurorku, RÚV, Reykjavíkurborg, Atvinnuvega- og nýsköpunarráðuneytið, Unilever, Tesco ofl.